Turinning “Yuventus” klubi Gresiya terma jamoasining hujumkor yarim himoyachisi “Jenoa” a’zosi Kristos Papadopulos bilan mavsum oxirigacha ijara asosida shartnoma imzoladi, deya xabar bermoqda klub matbuot xizmati.

Shartnomada futbolchini sotib olish imkoniyati ko‘rsatilgan. Qayd etilishicha, 19 yoshli futbolchi Paolo Montero boshchiligidagi Turin yoshlar jamoasida to‘p tepadi.

Italiya yoshlar ligasining so‘nggi mavsumida futbolchi 25 ta o‘yinda qatnashib, 11 ta gol urgan va 6 ta golga assist bergan. U A Seriyada ham uch daqiqa o‘ynadi.