Туриннинг “Ювентус” клуби Греция терма жамоасининг ҳужумкор ярим ҳимоячиси “Женоа” аъзоси Кристос Пападопулос билан мавсум охиригача ижара асосида шартнома имзолади, дея хабар бермоқда клуб матбуот хизмати.
Шартномада футболчини сотиб олиш имконияти кўрсатилган. Қайд этилишича, 19 ёшли футболчи Паоло Монтеро бошчилигидаги Турин ёшлар жамоасида тўп тепади.
Италия ёшлар лигасининг сўнгги мавсумида футболчи 25 та ўйинда қатнашиб, 11 та гол урган ва 6 та голга ассист берган. У А Серияда ҳам уч дақиқа ўйнади.
