Saudiya Arabistoni chempionatining ilk turida “An-Nassr” 22 avgust, payshanba kuni “Ar-Roid”ga qarshi bahs olib bordi.

Uchrashuvning 34-daqiqasida Sadio Manening uzatmasini Krishtianu Ronaldu boshi bilan darvozaga joylab qo‘ydi. Bo‘lim bitta gol bilan yakunlandi.

Ikkinchi bo‘lim boshida esa “Ar-Roid” penalti ishlab oldi. 49-daqiqada Fuzair penaltini golga aylantirdi va hisobni tenglashtirdi. 76-daqiqada esa Ronaldu yana bir bor darvozani ishg‘ol qildi. Biroq gol hakam tomonidan bekor qilindi.

Qolgan daqiqalarda darvozalar daxlsiz qoldi va uchrashuv 1:1 hisobida durang natija bilan yakunlandi.

Shu tariqa Ar-Riyod klubi yangi mavsumni durang bilan boshladi.

Saudiya Pro Ligasi, 1-tur bahsi
22 avgust, payshanba
“An-Nassr” — “Ar-Roid” 1:1
Gollar: 1:0 – 34 Ronaldu, 1:1 – 49 Fuzair (penalti).
“An-Nassr”: Bento, Telles, Laport, Al-Avjamiy (Ali, 83), Al-G‘anam, Al-Haybariy (Al-Naji, 68), Brozovich (Garib, 83), Otavio, Taliska, Mane, Ronaldu.
“Ar-Roid”: Sanyur, Sobel (Saad Al Sahliy, 90+1), Ad-Dosariy, Al-Jayzaniy, Gonsales, Ar-Rojeh, Al-Jamaan, Normann, As-Subaiy, Fuzair, Sayud.
Ogohlantirishlar: Ar-Rojeh (16), As-Subaiy (20), Ad-Dosariy (27), Brozovich (45+6), Laport (48), Gonsales (56).