Paulo Dibalaning Saudiya Arabistonidan tushgan taklifini qabul qilishdan bosh tortishi sabablari ma’lum bo‘ldi.

Avvalroq argentinalik futbolchi “Al-Qodisiya”ga o‘tish haqidagi qarorini o‘zgartirgani ma’lum bo‘lgandi. Hujumkor yarim himoyachi 75 million yevrolik 3 yillik shartnomani rad etdi va “Roma”da qoladi.

Sky Sport Italia xabariga ko‘ra, emosional xayrlashuv chog‘ida Dibalani jamoadoshlari, shuningdek, klub xodimlari fikrini o‘zgartirishga majbur qilgan. Futbolchini so‘nggi kunlarda muxlislardan olgan sovg‘alari ham ta’sirlantirdi.

Janluka Di Marsio, shuningdek, Dibalaning rafiqasi Oriana va onasi ham Saudiya Arabistoniga ko‘chib o‘tish g‘oyasini istamagan va ular ham uning qaroriga ta’sir qilganini ta’kidlaydi.