Пауло Дибаланинг Саудия Арабистонидан тушган таклифини қабул қилишдан бош тортиши сабаблари маълум бўлди.

Аввалроқ аргентиналик футболчи “Ал-Қодисия”га ўтиш ҳақидаги қарорини ўзгартиргани маълум бўлганди. Ҳужумкор ярим ҳимоячи 75 миллион евролик 3 йиллик шартномани рад этди ва “Рома”да қолади.

Sky Sport Italia хабарига кўра, эмоционал хайрлашув чоғида Дибалани жамоадошлари, шунингдек, клуб ходимлари фикрини ўзгартиришга мажбур қилган. Футболчини сўнгги кунларда мухлислардан олган совғалари ҳам таъсирлантирди.

Жанлука Ди Марцио, шунингдек, Дибаланинг рафиқаси Ориана ва онаси ҳам Саудия Арабистонига кўчиб ўтиш ғоясини истамаган ва улар ҳам унинг қарорига таъсир қилганини таъкидлайди.