"Brentford" hujumchisi Ayven Toni Saudiya Arabistoniga o‘tish haqida o‘ylashda davom etmoqda.
"Al-Ahli" angliyalik futbolchiga 3 yillik shartnoma taklif qildi. Forvard hozircha bir qarorga kelmagan, biroq jurnalist Ben Jeykobsning so‘zlariga ko‘ra, u yakuniy javobni dushanba kunigacha berishi kerak. Saudiya klubi muzokaralarda shunday muddat belgilagan.
Mish-mishlarga ko‘ra, futbolchining mehnat shartnomasi kelasi yili tugashiga qaramay, "Brentford" Tonini sotishdan taxminan 50 million yevro ishlab olishi mumkin. Transfermarkt portali "arilar" hujumining 28 yoshli yetakchisining qiymatini xuddi shu 50 million yevroga baholamoqda.
