"Брентфорд" ҳужумчиси Айвен Тони Саудия Арабистонига ўтиш ҳақида ўйлашда давом этмоқда.
"Ал-Аҳли" англиялик футболчига 3 йиллик шартнома таклиф қилди. Форвард ҳозирча бир қарорга келмаган, бироқ журналист Бен Жейкобснинг сўзларига кўра, у якуний жавобни душанба кунигача бериши керак. Саудия клуби музокараларда шундай муддат белгилаган.
Миш-мишларга кўра, футболчининг меҳнат шартномаси келаси йили тугашига қарамай, "Брентфорд" Тонини сотишдан тахминан 50 миллион евро ишлаб олиши мумкин. Transfermarkt портали "арилар" ҳужумининг 28 ёшли етакчисининг қийматини худди шу 50 миллион еврога баҳоламоқда.
