“An-Nasr” hujumchisi Krishtianu Ronaldu yangi mavsumda ham sekinlashmoqchi emas.

Portugaliyalik Saudiya Arabistoni chempionatining 1-turidan o‘rin olgan “Ar-Raed”ga qarshi o‘yinda 34-daqiqada raqib darvozasini ishg‘ol qildi, ammo bu g‘alaba uchun yetarli bo‘lmadi – 1:1.

Bungacha 39 yoshli forvard Superkubok doirasidagi “Al-Hilol” (1:4) va “At-Taavon” (2:0) klublariga qarshi o‘yinlarda bittadan gol urgandi. Yana superyulduz 1 ta golli uzatmani ham amalga oshirishga muvaffaq bo‘lgan. Shu tariqa, yangi mavsumning uchta boshlang‘ich o‘yinida Krishtianu to‘rtta samarali harakatni qayd etdi.