Angliya terma jamoasi yarim himoyachisi Konor Gallaxer "Chelsi"dan "Atletiko"ga o‘tganiga munosabat bildirdi.
OAV xabariga ko‘ra, "matraschilar" 24 yoshli futbolchining transferi uchun londonliklarga 42 million yevro to‘lagan.
"Maydonda men hamma narsadan ozginasini qilishga harakat qilaman. Men doim bor kuchimni maydonda qoldirib, bor kuchimni sarflayman. Men golli vaziyatlar yaratishga harakat qilaman va qo‘limdan kelganicha jamoaga himoyada yordam beraman. Shunday ekan, aytganimdek, maydonda hamma narsani qilishga harakat qilaman.
Klubga imkon qadar yordam bermoqchiman. Maqsadimiz sovrinlarni yutish, men shu maqsadda kelganman. Bu juda katta klub, u allaqachon ko‘plab titullarni qo‘lga kiritgan va umid qilamanki, biz birgalikda yana bir nechta sovrinlarni yutamiz", - dedi Gallaxer Marca bilan suhbatda.
Gallaxer "Chelsi" tarbiyalanuvchisi sanaladi. O‘tgan mavsumda yarim himoyachi "ko‘klar" safida barcha turnirlarda 50 ta o‘yinda maydonga tushib, 7 ta gol va 9 ta golli uzatmani amalga oshirgan. Gallaxer shuningdek, Yevro-2024da Angliya terma jamoasi bilan beshta o‘yinda maydonga tushib, jami 118 daqiqa o‘ynadi.
