Англия терма жамоаси ярим ҳимоячиси Конор Галлахер "Челси"дан "Атлетико"га ўтганига муносабат билдирди.

ОАВ хабарига кўра, "матрасчилар" 24 ёшли футболчининг трансфери учун лондонликларга 42 миллион евро тўлаган.

"Майдонда мен ҳамма нарсадан озгинасини қилишга ҳаракат қиламан. Мен доим бор кучимни майдонда қолдириб, бор кучимни сарфлайман. Мен голли вазиятлар яратишга ҳаракат қиламан ва қўлимдан келганича жамоага ҳимояда ёрдам бераман. Шундай экан, айтганимдек, майдонда ҳамма нарсани қилишга ҳаракат қиламан.

Клубга имкон қадар ёрдам бермоқчиман. Мақсадимиз совринларни ютиш, мен шу мақсадда келганман. Бу жуда катта клуб, у аллақачон кўплаб титулларни қўлга киритган ва умид қиламанки, биз биргаликда яна бир нечта совринларни ютамиз", - деди Галлахер Marca билан суҳбатда.

Галлахер "Челси" тарбияланувчиси саналади. Ўтган мавсумда ярим ҳимоячи "кўклар" сафида барча турнирларда 50 та ўйинда майдонга тушиб, 7 та гол ва 9 та голли узатмани амалга оширган. Галлахер шунингдек, Евро-2024да Англия терма жамоаси билан бешта ўйинда майдонга тушиб, жами 118 дақиқа ўйнади.