"Barselona" "Yuventus" vingeri Federiko Kyezani qo‘lga kiritish yo‘lida "Inter"ni ortda qoldirdi.
26 yoshli futbolchi Tyago Mottaning Turindagi rejalariga kirmaydi.
Corriere della Sera xabariga ko‘ra, kataloniyaliklar Niko Uilyams va Rafael Leauni qo‘lga kirita olmaganidan so‘ng e’tiborini "Yuventus" vingeriga qaratgan.
Biroq, "ko‘k-anorranglilar" La Liganing moliyaviy feyr-pley qoidalariga amal qilishi kerak. Agar yosh himoyachi Mikayil Faye sotilsa, bu transferga joy ochilishi mumkin.
Shuningdek, italiyalik vinger o‘zining maoshlar bo‘yicha talabini 4,5 yoki 5 million yevrogacha kamaytirishi kerak.