«Yuventus» «Manchester Yunayted» vingeri Jeydon Sanchoni ma’lum shartlar asosida sotib olishga tayyor.
Xabarlarga ko‘ra, angliyalik futbolchining o‘zi Turin klubiga o‘tish variantini ma’qullaydi. «Keksa sinyora» «qizil iblislar» bilan Sanchoni keyinchalik sotib olish imkoniyati bilan ijaraga olish masalasini muhokama qilmoqda, biroq futbolchining yuqori maoshi jiddiy to‘siq bo‘lib qolmoqda. Jurnalist Nikolo Skiraning so‘zlariga ko‘ra, «Yuventus» 24 yoshli futbolchini ijaraga olish davrida «Manchester Yunayted» uning maoshining 30-40 foizini olishga rozi bo‘lmasa, uni qo‘lga kiritishi dargumon.
"Transfermarkt" portali ekspertlari fikricha, Jeydon Sanchoning transfer qiymati 30 million yevroni tashkil qiladi.
