"Inter" bosh murabbiyi Simone Indzagi jamoasining o‘z sardorisiz ham muvaffaqiyatga erisha olishini aytdi.
"Neradzurrilar" A Seriyaning 2-turida “Lechche”ni mag‘lub etishdi – 2:0. Jamoa sardori va so‘nggi Italiya chempionati to‘purari Lautaro Martines uchrashuvda ishtirok eta olmadi.
“Biz “Inter”miz va so‘nggi o‘yinda “Jenoa” bilan durangdan norozi edik.
Lautaroning yo‘qligi? Biz Martines, Barella, Chalxanoglu yoki boshqa birovga qaram bo‘lmasligimiz kerak. O‘tgan mavsumda chempion bo‘ldik, chunki hamma o‘z hissasini qo‘shishi mumkin edi. Taremining bugungi o‘yinlari menga yoqdi", - dedi Indzagi Sky Sport nashriga.
