19 yoshli braziliyalik forvard Uesli "Korintians"dan Saudiyaning "An-Nasr" klubiga o‘tmoqda, deya xabar beradi insayder Fabrisio Romano ijtimoiy tarmoqlarda.

Jurnalistning xabar berishicha, Saudiya klubi rahbariyati istiqbolli hujumchining transferi uchun 20 million yevro to‘laydi. Yana besh million bonus to‘lov sifatida taqdim etiladi.

Ueslining amaldagi klubi bilan amaldagi mehnat shartnomasi 2027 yil oxirigacha amal qiladi. U “Korintians” safida 84 ta o‘yin o‘tkazib, 7 ta gol va 6 ta golli uzatmaga mualliflik qilgan.