Futbol bo‘yicha O‘zbekiston Superligasining 17-turida “Lokomotiv” va “Qizilqum” o‘rtasidagi bahs 25 avgust, yakshanba kuni bo‘lib o‘tdi.
Uchrashuvning 11-daqiqasida “temiryo‘lchilar” futbolchisi Jasurbek Hakimov hisobni ochdi. 15-daqiqada Shodiyor Shodiboyev hisobni ishonchli ko‘rinishga olib keldi. Oradan 3 daqiqa o‘tib, Sardor Abdunabiyev ham o‘z nomini tabloga yozdirib qo‘ydi. 22-daqiqada Mixail Gashenkov o‘yindagi to‘rtinchi golga mualliflik qildi. 36-daqiqada Elguja Lobjanidze hisobni qisqartirdi.
Ikkinchi bo‘lim boshida navoiyliklar penalti ishlab oldi. Lobjanidze 54-daqiqada penaltini aniq amalga oshirdi.
Qolgan daqiqalarda darvozalar ishg‘ol etilmadi va “Lokomotiv” 4:2 hisobida g‘alaba qozondi.
