Peruda yengil atletika bo‘yicha U20 yosh toifasidagi jahon chempionatining dastlabki kuni ortda qoldi. Ma’lum qilganimizdek, unda hamyurtimiz Dilshoda Usmonova 3000 metrga stipl-chez yugurish dasturida saralash bahsini o‘tkazdi.
2-guruhda ishtirok etgan Usmonova 10:26.94 daqiqa bilan mavsumdagi eng yaxshi natijasini qayd etdi. Afsuski, Usmonova bu ko‘rsatkich bilan to‘qqizinchi bo‘ldi va unga final dasturiga yo‘llanma olish uchun 1 pog‘ona yetmay qoldi.
Bugun atletlarimizdan Jonbibi Hukmova 400 metrga yugurish, Sharifa Davronova hamda Xushnoza Shavkatova uch hatlab sakrash dasturida final yo‘llanmasi uchun startga chiqishadi.
