Iturralde Gonsales "Barselona"ning golini bekor qilish bilan epizodga baho berdi.
La Liganing 3-turida kataloniyaliklar mehmonda "Rayo Valyekano"ni mag‘lub etishdi (2:1).
71-daqiqada Pep Chavarriya bilan to‘p uchun kurashayotgan Jyul Kunde raqibining oyog‘ini bosdi, shundan so‘ng u "ko‘k-anorranglilar" kombinasiyasini davom ettirdi va bu Robert Levandovskining goliga olib keldi. Bosh hakam Sezar Soto Grado videotakrorni ko‘rib chiqdi va fransiyalik futbolchi qoida buzgani uchun golni hisoblamaslikka qaror qildi.
Iturralde hakamning qaroriga rozi bo‘lib, "Bo‘lim boshida Kunde Chavarriyaning oyog‘ini bosdi. Kontakt yengil edi, lekin bu folni chaqirish uchun yetarli edi" - dedi.
Shuningdek, La Liganing sobiq hakamining fikricha, Pedriga nisbatan qo‘pollik sodir etilgan paytda, "Rayo" futbolchisiga qizil kartochka ko‘rsatilishi kerak edi. O‘yinning asosiy vaqti tugashiga oz qolganda Pete Siss to‘pni noto‘g‘ri to‘xtatib, butsaning tishlari bilan "Barselona" yarim himoyachisining boldiriga zarba berdi. Soto Grado qo‘pollikni ko‘rsatdi va senegallik futbolchiga sariq kartochka ko‘rsatdi.
"Bu juda baland va kuchli edi. Bu qizil kartochka va VAR hakamni ogohlantirishi kerak edi", - dedi Eduardo Iturralde Gonsales.
