Sandro Tonali qimor o‘yinlariga qaramlikni davolash haqida gapirdi.
Italiyalik futbolchi bugun Liga kubogi doirasida "Nottingem Forest"ga qarshi o‘yinda maydonga tushadi. Tonali o‘tgan yozda "Nyukasl"ga o‘tishdan oldin o‘ynagan "Milan" o‘yinlariga pul tikgani uchun 10 oylik taqiqdan so‘ng futbolga qaytadi. U oktyabr oyidan beri o‘ynamadi va "qarg‘alar" safida bor-yo‘g‘i 12 ta o‘yinda maydonga tushdi.
Futbolchining so‘zlariga ko‘ra, reabilitasiyaning bir qismi shu muammodan aziyat chekayotgan boshqa odamlar bilan uchrashishni ham o‘z ichiga olgan.
"Suhbat ko‘p yordam beradi. Dastlabki uch oyda men oddiy kasb egalari bilan, ayniqsa "Nyukasl"da juda ko‘p odamlarni uchratdim, ularda bu muammo bor, lekin hozirgacha bu haqda hech qachon gapirmagan. Mening muammom ommaga oshkor bo‘lgach, ular yordam so‘rashga va hamma narsani o‘zlariga yashirishni to‘xtatishga qaror qilishdi. Bu meni juda xursand qildi.
Birinchi qadam - bu sizning ichingizda ko‘targan, hech qachon gapirishga jur’at etmagan katta yuk haqida gapirish qobiliyati. Sizda bu katta to‘siq bor. Suhbat muammoni hal qilish yo‘lidagi eng katta qadamdir.
Men hayajondaman, chunki o‘zimni yangi o‘yinchi, yangi xarid kabi his qilyapman. O‘tgan mavsumda men bor-yo‘g‘i sakkizta o‘yin o‘tkazdim (Premyer-ligada) va bu men uchun juda qiyin bo‘ldi. Men boshqa joyda emas, balki "Nyukasl"da ekanligimdan xursandman, chunki mening yuqori jamoam, eng yaxshi muxlislarim bor va men maydonga qaytishni sabrsizlik bilan kutyapman.
O‘n oy uzoq vaqt, chunki futbolchi o‘yin uchun yashaydi. "Nyukasl"da ishlayotganlarning barchasi birinchi kundanoq men bilan birga. Men bu 10 oy ichida hech qachon yolg‘iz qolmagadim. Bu juda muhim. Oktyabr, noyabr va dekabr oylarida men juda og‘ir vaqtlarni boshdan kechirdim. Endi men yangi vaqt kelganini his qilyapman. Bu mening hayotimning yangi bosqichi.
Meni qo‘llab-quvvatlamaydigan bironta ham odam yo‘q - muxlislar bilan ham shunday. Ular menga 10 yil davomida bu yerda bo‘lganimda qanday mehr qo‘ygan bo‘lsa, xuddi shunday sevgini berishdi. Bu menga "Nyukasl" muxlislari kim ekanligini anglab etdi. Menimcha, buni boshqa shaharda topish mumkin emas. Men bu haqda ko‘p o‘yladim.
Eddi Xau mening "Nyukasl"dagi birinchi do‘stim edi. Men u bilan 10 oy davomida har kuni gaplashdim. Qolaversa, "Vulverxempton"ga qarshi o‘ynay olmagan birinchi o‘yinga ham jamoa bilan chiqdim. Brunu Gimaraes va Joelinton o‘yindan oldin butun kecha menga yordam berishdi. Ular mening yonimda edi. Ular buyuk insonlar. Men murabbiyim, jamoam va muxlislarga rahmat aytmoqchiman", - dedi "Nyukasl" yarim himoyachisi.
