"Bavariya" vingeri Leroy Sane Millatlar ligasi doirasida Vengriya va Niderlandiyaga qarshi o‘yinlarda Germaniya terma jamoasiga chaqirilmaydi, deb yozadi Sky Sports jurnalisti Kerri Xau.
Milliy terma jamoa bosh murabbiyi Yulian Nagelsmann Sane bilan maslahatlashib, ular birgalikda Leroy jarohatidan tiklanishini xalqaro o‘yinlarsiz davom ettirishi ma’qul bo‘lishini kelishib oldilar. 28 yoshli germaniyalik futbolchi 2024 yilning iyul oyida operasiya qilingan va allaqachon jamoaviy mashg‘ulotlariga to‘liq qaytgan. Sane nazariy jihatdan o‘ynashga tayyor, biroq formaga kirish uchun xalqaro tanaffusdan foydalanmoqchi.
O‘tgan mavsumda Leroy klub miqyosida 42 o‘yin o‘tkazib, 10 gol urgan va 13 golga assistentlik qilgan.
