"Бавария" вингери Лерой Сане Миллатлар лигаси доирасида Венгрия ва Нидерландияга қарши ўйинларда Германия терма жамоасига чақирилмайди, деб ёзади Sky Sports журналисти Керри Хау.

Миллий терма жамоа бош мураббийи Юлиан Нагельсманн Сане билан маслаҳатлашиб, улар биргаликда Лерой жароҳатидан тикланишини халқаро ўйинларсиз давом эттириши маъқул бўлишини келишиб олдилар. 28 ёшли германиялик футболчи 2024 йилнинг июль ойида операция қилинган ва аллақачон жамоавий машғулотларига тўлиқ қайтган. Сане назарий жиҳатдан ўйнашга тайёр, бироқ формага кириш учун халқаро танаффусдан фойдаланмоқчи.

Ўтган мавсумда Лерой клуб миқёсида 42 ўйин ўтказиб, 10 гол урган ва 13 голга ассистентлик қилган.