«Manchester Yunayted» himoyachisi Jonni Evans Shimoliy Irlandiya terma jamoasidagi faoliyatini yakunlaganini ma’lum qildi.
«Ko‘p o‘ylanib, 18 yil terma jamoada o‘ynaganimdan so‘ng, nafaqaga chiqish vaqti kelganini his qilyapman. 2006 yilda Ispaniyani mag‘lub etgan debyutimdan 2024 yil iyunidagi so‘nggi o‘yinimgacha bu sharaf edi.
Yashil ko‘ylakni 107 marta kiyish va Shimoliy Irlandiya xalqi sharafini himoyalash mening eng katta orzum edi. Siz muxlislar shunchaki dunyodagi eng zo‘rsizlar. Sizning cheksiz qo‘llab-quvvatlashingiz va sevgingiz hech qachon e’tibordan chetda qolmagan va men sizlar bilan birga o‘tkazgan vaqtimizni sog‘inaman», deb yozadi Evans.
Evans terma jamoada 107 uchrashuvda 6 ta gol urdi.
