Kilian Mbappe La Liganing 3 ta o‘yinida "Real" safida gol ura olmadi.

Fransiyalik hujumchi Ispaniya chempionatining dastlabki uchta o‘yinida 17 ta zarba yo‘lladi. E’tiborlisi, madridliklar bu uchrashuvlarning faqat bittasida g‘alaba qozongan.

Bugun Karlo Anchelotti shogirdlari La Liganing 3-turi doirasida "Las-Palmas" bilan durang o‘ynadi (1:1). Vinisius Junior penaltidan gol urdi.

Bungacha madridliklar “Valyadolid”ni mag‘lub etib (3:0) “Malyorka” bilan ochko bo‘lishgandi (1:1).

Mbappe yangi jamoasi safidagi yagona golini Yevropa Superkubogi doirasidagi “Atalanta”ga qarshi o‘yinda (2:0) kiritdi.