Килиан Мбаппе Ла Лиганинг 3 та ўйинида "Реал" сафида гол ура олмади.

Франциялик ҳужумчи Испания чемпионатининг дастлабки учта ўйинида 17 та зарба йўллади. Эътиборлиси, мадридликлар бу учрашувларнинг фақат биттасида ғалаба қозонган.

Бугун Карло Анчелотти шогирдлари Ла Лиганинг 3-тури доирасида "Лас-Пальмас" билан дуранг ўйнади (1:1). Винисиус Жуниор пенальтидан гол урди.

Бунгача мадридликлар “Вальядолид”ни мағлуб этиб (3:0) “Мальорка” билан очко бўлишганди (1:1).

Мбаппе янги жамоаси сафидаги ягона голини Европа Суперкубоги доирасидаги “Аталанта”га қарши ўйинда (2:0) киритди.