"PSJ" bosh murabbiyi Luis Enrike yangi o‘ng qanot himoyachisini sotib olish fikridan voz kechdi.
Yozgi transfer oynasining so‘nggi kunlarida Nordi Mukiele parijliklarni tark etib, Leverkuzenning "Bayer" klubiga ijaraga berildi.
L'Equipe nashri xabariga ko‘ra, sport maslahatchisi Luish Kampush Luis Enrikega "yirik Yevropa klubi"dan ismi oshkor etilmagan o‘ng qanot himoyachisini taklif qilgan. Ispaniyalik murabbiy bu imkoniyatdan bosh tortdi. Mutaxassis hozirgi tarkibdan to‘liq qoniqishini va himoyaning o‘ng tomonidagi qiyinchiliklarni qanday hal qilishni bilishini aytdi.
