"Napoli" rahbariyati vinger Xvicha Kvarasxeliya bilan shartnomani yaxshilangan shartlar asosida uzaytirishga yaqin turibdi.
Jurnalist Nikolo Skira xabariga ko‘ra, gruziyalik futbolchi uchun yana bir mavsumga uzaytirish imkoniyati bilan 2029 yilgacha yangi mehnat shartnomasi tayyorlangan.
Shu bilan birga, 23 yoshli futbolchining maoshi oshiriladi va yiliga 5,5 million yevro va bir yarim million bonusni tashkil qiladi.
Qayd etilishicha, Kvarasxeliya daxlsiz va "Napoli"ning yangi bosh murabbiyi Antonio Konte jamoasining asosiy futbolchisi.
O‘tgan mavsumda gruziyalik futbolchi neapolliklar safida barcha turnirlarda 45 ta o‘yin o‘tkazib, 11 ta gol va 9 ta golli uzatmani amalga oshirgan.
