"Наполи" раҳбарияти вингер Хвича Кварацхелия билан шартномани яхшиланган шартлар асосида узайтиришга яқин турибди.
Журналист Николо Скира хабарига кўра, грузиялик футболчи учун яна бир мавсумга узайтириш имконияти билан 2029 йилгача янги меҳнат шартномаси тайёрланган.
Шу билан бирга, 23 ёшли футболчининг маоши оширилади ва йилига 5,5 миллион евро ва бир ярим миллион бонусни ташкил қилади.
Қайд этилишича, Кварацхелия дахлсиз ва "Наполи"нинг янги бош мураббийи Антонио Конте жамоасининг асосий футболчиси.
Ўтган мавсумда грузиялик футболчи неаполликлар сафида барча турнирларда 45 та ўйин ўтказиб, 11 та гол ва 9 та голли узатмани амалга оширган.
