Hujumchi Krishtianu Ronaldu o‘zini Portugaliya terma jamoasida zaxira o‘yinchisi sifatida tasavvur qila olamanmi, degan savolga javob berdi.
“Mening fikrimcha, men har doim asosiy tarkib futbolchisi bo‘lib qolaman. Xayolimda shu narsa bor. Faoliyatimning qolgan qismida men har doim o‘zimni asosiy jamoa futbolchisi deb hisoblayman. Men doim o‘zim o‘ynagan murabbiylar va klublarimning qarorlarini hurmat qilganman. Bir-ikki marta menga yomon munosabatda bo‘lishgan (kuladi). Ammo jiddiy gapiradigan bo‘lsam, professional etika haqida gap ketganda, men doim murabbiylarning qarorlarini hurmat qilaman", - dedi Ronaldu A Bola nashriga bergan intervyusida.
