Ҳужумчи Криштиану Роналду ўзини Португалия терма жамоасида захира ўйинчиси сифатида тасаввур қила оламанми, деган саволга жавоб берди.
“Менинг фикримча, мен ҳар доим асосий таркиб футболчиси бўлиб қоламан. Хаёлимда шу нарса бор. Фаолиятимнинг қолган қисмида мен ҳар доим ўзимни асосий жамоа футболчиси деб ҳисоблайман. Мен доим ўзим ўйнаган мураббийлар ва клубларимнинг қарорларини ҳурмат қилганман. Бир-икки марта менга ёмон муносабатда бўлишган (кулади). Аммо жиддий гапирадиган бўлсам, профессионал этика ҳақида гап кетганда, мен доим мураббийларнинг қарорларини ҳурмат қиламан", - деди Роналду A Bola нашрига берган интервьюсида.
