"Manchester Yunayted" yarim himoyachisi Kristian Eriksenning agenti mijozi yozgi transferlar vaqtida rad etgan takliflarini aytdi.
Daniyalik, klub uni qo‘yib yuborishga tayyorligi haqidagi ko‘plab mish-mishlarga qaramay, "qizil iblislar"da o‘ynashni davom ettirishga qaror qildi.
“Kristianga turli mamlakatlardan qiziqish bor edi. Uning arab dunyosida, Turkiyada va MLSda to‘p tepish imkoniyatlari bor edi, lekin u bu imkoniyatlarni darhol rad etdi, chunki u va uning oilasi G‘arbiy Yevropada qolishni xohlaydi. Bundan tashqari, Kris "Manchester Yunayted"da o‘yin daqiqalarini olishiga ishonmoqda. Jamoa har uch kunda o‘ynashi kerak, shuning uchun u talabga ega bo‘ladi. "Anderlext" bilan norasmiy aloqa bor edi, lekin boshqa hech narsa yo‘q. Yanvar oyida "Ayaks" taklif bilan chiqqandi, ammo yozda bu masala ko‘tarilmagan.
Niderlandiyaning yana bir klubi qiziqish bildirgan edi, ammo Kristian bu variantni ko‘rib chiqmadi”, dedi agent Martin Sxoots Voetball International nashriga.
