"Yuventus" futbolchisi Filip Kostich o‘zini "Galatasaroy"da sinab ko‘radi. Turk klubining Tyago Mottaga foydasi bo‘lmagan serbiyalik futbolchini o‘z safiga tortish niyati biroz avvalroq ma’lum qilingandi.

Insayder Nikolo Skiraning aniqlik kiritishicha, "Yuventus" va "Galatasaroy" Kostichni sotib olish majburiyati bilan ijaraga olish bo‘yicha muzokaralar olib bormoqda, bu ma’lum shartlar ostida kuchga kiradi. 31 yoshli vingerning Turkiya Superligasi giganti bilan shartnomasi 2027 yilning o‘rtalariga qadar mo‘ljallangan.

Filip Kostich "byankonerilar" safida 87 ta o‘yinda 3 ta gol urdi va 15 ta golli uzatmani amalga oshirdi. Italiyaga ko‘chib o‘tishdan oldin futbolchi Germaniyaning "Ayntraxt" klubida nom qozongan edi.