"Ювентус" футболчиси Филип Костич ўзини "Галатасарой"да синаб кўради. Турк клубининг Тьяго Моттага фойдаси бўлмаган сербиялик футболчини ўз сафига тортиш нияти бироз аввалроқ маълум қилинганди.
Инсайдер Николо Скиранинг аниқлик киритишича, "Ювентус" ва "Галатасарой" Костични сотиб олиш мажбурияти билан ижарага олиш бўйича музокаралар олиб бормоқда, бу маълум шартлар остида кучга киради. 31 ёшли вингернинг Туркия Суперлигаси гиганти билан шартномаси 2027 йилнинг ўрталарига қадар мўлжалланган.
Филип Костич "бьянконерилар" сафида 87 та ўйинда 3 та гол урди ва 15 та голли узатмани амалга оширди. Италияга кўчиб ўтишдан олдин футболчи Германиянинг "Айнтрахт" клубида ном қозонган эди.
