"Barselona" yarim himoyachisi Pedri joriy mavsumdan nimalar kutayotgani haqida gapirdi.

21 yoshli yarim himoyachi jarohat tufayli so‘nggi mavsumning muhim qismini o‘tkazib yubordi. Yevro-2024 chorak finalining iyul oyida Ispaniya va Germaniya terma jamoalari o‘rtasidagi o‘yinda futbolchi yana jarohat oldi, shu sababli u turnirning qolgan o‘yinlari va “Barselona”ning mavsumoldi o‘yinlarida ishtirok etmadi, ammo La Liganing yangi mavsumida o‘ynay boshladi.

"Yangi mavsumda men istagan yagona narsa - jarohatlardan qochish va jamoaga har tomonlama yordam berish. Men tiklanish uchun yozda ko‘p mehnat qilishim kerak edi. Maqsadim La Liganing birinchi davrasida forma olish edi va men bunga erishdim", - dedi Xans-Diter Flik jamoasida to‘rtta o‘yinda bitta gol urgan Pedri Barca Universal bilan suhbatda.