"Барселона" ярим ҳимоячиси Педри жорий мавсумдан нималар кутаётгани ҳақида гапирди.
21 ёшли ярим ҳимоячи жароҳат туфайли сўнгги мавсумнинг муҳим қисмини ўтказиб юборди. Евро-2024 чорак финалининг июль ойида Испания ва Германия терма жамоалари ўртасидаги ўйинда футболчи яна жароҳат олди, шу сабабли у турнирнинг қолган ўйинлари ва “Барселона”нинг мавсумолди ўйинларида иштирок этмади, аммо Ла Лиганинг янги мавсумида ўйнай бошлади.
"Янги мавсумда мен истаган ягона нарса - жароҳатлардан қочиш ва жамоага ҳар томонлама ёрдам бериш. Мен тикланиш учун ёзда кўп меҳнат қилишим керак эди. Мақсадим Ла Лиганинг биринчи даврасида форма олиш эди ва мен бунга эришдим", - деди Ханс-Дитер Флик жамоасида тўртта ўйинда битта гол урган Педри Barca Universal билан суҳбатда.
