Ispaniya terma jamoasi bosh murabbiyi Luis de la Fuente Vinisius Juniorning bu mamlakatdagi irqchilik haqidagi so‘zlariga munosabat bildirdi.
"Men uning gapirayotganini eshitmadim, lekin menga bir narsa aytishdi. Ispaniya irqchi davlat emas. Ispaniya birga yashash, hurmat, integrasiya namunasi... Ko‘pchilik amal qilishi kerak bo‘lgan o‘rnak.
Albatta, istalmagan vaziyatlar doimo sodir bo‘ladi. Ispaniya, men ta’kidlayman, irqchi mamlakat emas va ko‘plab mamlakatlar o‘rnak bo‘lishi kerak.
Ispaniya, Marokash va Portugaliyadagi jahon chempionati o‘ziga xos voqea bo‘ladi. Bu muvaffaqiyat bo‘ladi" - dedi De la Fuente.
Eslatib o‘tamiz, braziliyalik futbolchi "Agar Ispaniyada irqchilik bilan bog‘liq vaziyat o‘zgarmasa, 2030 yilgi jahon chempionatini keyinga qoldirishga to‘g‘ri keladi" - degan edi.
