"Yuventus" va Argentina terma jamoasi vingeri Nikolas Gonsales jarohatidan so‘ng maydonga qaytdi.

26 yoshli futbolchi yaqinda JCH-2026 saralash bosqichi doirasida Chiliga qarshi o‘yinda jarohat olgan edi. Niko 51-daqiqada almashtirishga majbur bo‘ldi, ammo keyinroq ma’lum bo‘lishicha, u jiddiy jarohatdan qutilib qolgan. Jurnalist Mirko di Natalening yozishicha, “keksa sinyora”ning yangi futbolchisi allaqachon tuzalib bo‘lgan va Argentina terma jamoasining Kolumbiyaga qarshi (10 sentyabr) bo‘ladigan o‘yinida maydonga tushishga tayyor. Biroq, "albiseleste" bosh murabbiyi futbolchini qutqarib, unga dam berishi mumkin.

Eslatib o‘tamiz, Nikolas Gonsales avgust oyi oxirida "Fiorentina"dan "Yuventus"ga o‘tgan edi.