Italiya terma jamoasi himoyachisi Federiko Dimarko Millatlar ligasida Fransiyaga qarshi safar o‘yinida (3:1) jamoasi g‘alaba qozonganidan so‘ng jurnalistlar bilan suhbatlashdi.
"Skuadra Adzurra" 14-sekundda urilgan Bredli Barkolaning golidan keyin o‘zini yo‘qotib qo‘ymadi. 30-daqiqada Dimarko hisobni tenglashtirgan bo‘lsa, 50 va 74-daqiqalarda Davide Frattezi va Djakomo Raspadori mehmonlar darvozasini ishg‘ol qilishdi.
"Evro-2024dan keyin tiklanish oson bo‘lmadi. Bu g‘alaba bizga jamoa ruhiyatini oshirish uchun kerak edi.
Biz juda yaxshi o‘ynadik. Fransiya har qanday holatda ham o‘z imkoniyatlarini yaratadi, ammo biz o‘yin va natijadan mamnunmiz.
Fransiya terma jamoasini, ayniqsa, mehmonda mag‘lub etish har doim qiyin. Bugungi g‘alaba biz uchun boshlang‘ich nuqta bo‘lishi kerak", - dedi "Inter" futbolchisi RAI Sport nashriga bergan intervyusida.