Италия терма жамоаси ҳимоячиси Федерико Димарко Миллатлар лигасида Францияга қарши сафар ўйинида (3:1) жамоаси ғалаба қозонганидан сўнг журналистлар билан суҳбатлашди.
"Скуадра Адзурра" 14-секундда урилган Брэдли Барколанинг голидан кейин ўзини йўқотиб қўймади. 30-дақиқада Димарко ҳисобни тенглаштирган бўлса, 50 ва 74-дақиқаларда Давиде Фраттези ва Джакомо Распадори меҳмонлар дарвозасини ишғол қилишди.
"Евро-2024дан кейин тикланиш осон бўлмади. Бу ғалаба бизга жамоа руҳиятини ошириш учун керак эди.
Биз жуда яхши ўйнадик. Франция ҳар қандай ҳолатда ҳам ўз имкониятларини яратади, аммо биз ўйин ва натижадан мамнунмиз.
Франция терма жамоасини, айниқса, меҳмонда мағлуб этиш ҳар доим қийин. Бугунги ғалаба биз учун бошланғич нуқта бўлиши керак", - деди "Интер" футболчиси RAI Sport нашрига берган интервьюсида.
