"Chelsi"ning sobiq futbolchisi Uilyam Gallas Tomas Tuxel vaziyatni o‘zgartira oladimi degan savolga javob berdi.
"Tuxel "Manchester Yunayted" muammolarini hal qila oladi. Agar u klubga kelganida va unga vaqt berilganida, jamoa qurish uchun ikki yil berilganida, vaziyat tubdan o‘zgargan bo‘lardi.
Tuxel "Chelsi"ni yaxlit jamoa sifatida tashkil etdi va futbolchilar uni hurmat qilishgan. U Chempionlar ligasi va boshqa bir qancha sovrinlarni qo‘lga kiritdi va nima uchun muvaffaqiyatga erishgani aniq.
Ehtimol, "Chelsi" unga vaziyatni o‘zgartirish uchun yetarli vaqt bermagandir", dedi "ko‘klar"ning sobiq himoyachisi.
