Tajribali darvozabonimiz Ravshan Eliboyev Mundial oldidan o‘z fikrlarini bildirib o‘tdi.

"Jahon chempionati yuqori saviyada bo‘lib o‘tishiga ishonaman. Chunki ushbu turnirga milliy jamoamiz ancha vaqtdan beri jiddiy tarzda tayyorgarlik ko‘rmoqda.

Turli yig‘inlar davomida top jamoalarga qarshi o‘rtoqlik o‘yinlarida yaxshi ishtirok etdik. Bu o‘yinlar orqali futzalchilarimiz eng optimal formaga kirib olishmoqda. Shu sababli yigitlar Jahon chempionatida juda ham yaxshi o‘yin namoyish etgan holda muxlislarni xursand qilishadi degan umiddaman. Axir bejzga aytishmaydiku “O‘z uyingda devorlar ham yordam beradi” deb.

O‘zimga to‘xtaladigan bo‘lsam: og‘ir jarohat sabab Jahon chempionatida milliy jamoamizga yordam bera olmasligimdan juda ham afsusdaman.

Shuningdek, jamoamizning eng kuchli futzalchilaridan: Davron Choriyev, Sunnatulla Jo‘rayev, Anasxon Rahmatov va Abdulla Solihov ham jarohatlar sababli jamoamizga yordam berolmaydi. Ming afsuski, inson jarohatlardan holi emas.

Nasib bo‘lsa qolgan jamoa doshlarimiz barcha jarohatdagi futzalchilar o‘rnini bildirishmaydi.

Jamoamizni tarixiy musobaqa davomida doimo qo‘llab-quvvatlaymiz hamda ularga qattiq ishonamiz", - dedi Eliboyev.