Italiya terma jamoasi bosh murabbiyi Luchano Spaletti jamoa Sandro Tonalining qaytishiga nihoyatda ijobiy munosabatda bo‘lganini tan oldi. "Nyukasl" yarim himoyachisi sport o‘yinlariga pul tikkani uchun 10 oyga diskvalifikasiya qilindi va "Skuadra Adzurra" jamoasi birinchi imkoniyatdayoq uni yana tarkibga qo‘shib oldi.
Juma kuni yarim himoyachi italiyaliklarga Fransiyani mag‘lub etishda (3:1) yordam berib, golli uzatmani amalga oshirdi.
"Biz Tonalini quchoq ochib kutib olishga tayyor edik. Shubhasiz, u barcha fazilatlarini hisobga olgan holda biz uchun juda muhim. Biz yangi Tonalini ko‘rdik. U hamma narsaga qodir va u maydonda hammaga yordam berishga intiladi. Sandroni italiyalik jamoadoshlari shunchalik yaxshi ko‘rishadiki, uning qaytishi kiyinish xonasidagi barchani ruhlantirdi, bu quvonch manbaiga aylandi", - dedi Spalletti dushanba kuni Isroilga qarshi o‘yin oldidan matbuot anjumanida.
