Fransiyalik jurnalist Daniel Riolo hujumchi Kilian Mbappeni qattiq tanqid qildi. Mutaxassisning fikricha, forvard atrofidagilar va Fransiya terma jamoasi muxlislarini mensimaydi. Mbappe avvalroq tanqid va muxlislar fikriga e’tibor bermasligini aytgan edi.
"Bu odamning boshqalarga jirkanch munosabati bor. U yolg‘on gapiradi yoki chindan ham ahmoq. U odamlarning fikriga ahamiyat bermayman deyishga haqqi yo‘q... Agar Mbappe haqiqatdan ham shunday deb o‘ylayotgan bo‘lsa, u holda futbol o‘ynashni to‘xtatishi kerak! Zero, stadion hissiyotlarni boshdan kechirish uchun kelganlar bilan to‘la.
Fransiya terma jamoasida o‘zingizni buzuq va xo‘r odamdek tutib bo‘lmaydi, ispan OAVlarida esa tabassum va ko‘z qisish bor", - dedi Riolo RMC Sport nashrida.
