Erling Xoland Norvegiya terma jamoasi safida 35 ta o‘yinda 32 ta gol urgan.

“Manchester Siti” hujumchisi Millatlar ligasining 2-tur uchrashuvida Norvegiyaga Avstriya ustidan qozonilgan g‘alabani (2:1) 80-daqiqada gol urib, keltirdi.

24 yoshli forvard terma jamoa tarixidagi eng yaxshi to‘purar bo‘lishiga bir gol qoldi. Hozirda Norvegiya termasi uchun gol urish bo‘yicha rekord Yergen Yuvega tegishli bo‘lib, u 1928 yildan 1937 yilgacha jamoada o‘ynagan - u terma jamoa safida 45 o‘yinda 33 ta gol urgan.

Mavsumdagi 6 ta o‘yinda Erling klub va terma jamoasi uchun 8 ta gol urdi.