Sloveniya terma jamoasi bosh murabbiyi Matyaj Kek Millatlar ligasi doirasidagi uy uchrashuvida Qozog‘iston ustidan qozonilgan yirik hisobdagi g‘alaba (3:0) haqida fikr bildirdi.
O‘yin 9 sentyabr - 62 yoshga to‘lgan sloveniyalik mutaxassisning tug‘ilgan kuni bo‘lib o‘tdi.
"Bu muxlislarga bera oladigan eng chiroyli narsa. Men bu jamoani boshqarishdan faxrlanaman. Ilgari men tug‘ilgan kunimda g‘alaba qozonganman, lekin bu safar bu o‘zgacha, chunki men eng oson yilni o‘tkazmadim. Sloveniya o‘ynay olishini isbotladi va stadiondagi 10 000 tomoshabinni hayratga soldi.
Bizda maydonda tartib va geometriya bor edi va men buni juda qadrlayman. Oxirgi 20 daqiqadan zavqlanib o‘tirganimizga ancha bo‘ldi! Gohida qiynalasan, goh quvonasan... Yigitlar quvnoq bo‘lishdi. Oktyabr oyida bizni safarda ikkita qiyin o‘yin kutib turibdi. Men esa futbolchilarni menga xuddi shunday futbol ko‘rsatishga undayman, chunki bu biz o‘sishimiz va e’tirofga erishishimiz mumkin bo‘lgan yagona yo‘l", — dedi Kek Sports.kz bilan suhbatda.
