Madridning “Atletiko” klubi jamoa bosh murabbiyini almashtirish haqida o‘ylamoqda. 2011 yildan buyon "matraschilar" ustozi lavozimini argentinalik mutaxassis Diyego Simeone egallab kelmoqda.
Ispan top-klubi rahbariyati hozirda "Atletiko"ning ikkinchi jamoasida ishlayotgan Fernando Torresni boshqaruvchi lavozimiga chaqirishi mumkin. Simeonening klub bilan tuzilgan mehnat shartnomasi 2027 yilning o‘rtalarigacha amal qiladi.
"Atletiko" jamoa boshqaruvini boshqa mutaxassisga ishonib topshirish vaqti kelganiga ishonadi. Ispaniya chempionatining yangi mavsumida “Atletiko” to‘rt turdan keyin sakkiz ochko jamg‘ardi.
