"Fenerbaxche" bosh murabbiyi Joze Mourinyo terma jamoada ishlash borasidagi savolga javob berdi.
“Mening maqsadim “Fenerbaxche”da muvaffaqiyat qozonish. Klub bu yerda uzoq vaqt qolishimni istamoqda. Ilgari menga terma jamoalardan takliflar bo‘lgan, ammo men rad etganman. Bu meni xursand qiladigan ish emas: oyiga bir yoki ikki o‘yin, futbolchilar o‘yinlariga sayohat qilish, turnirlarni kutish. Menda hozir juda ko‘p energiya bor. Balki bir kun qarigan va charchagan paytimda terma jamoani boshqararman, ammo bu daqiqalar hali kelmadi", - deya 61 yoshli Mourinyoning so‘zlarini keltiradi jurnalist Alfredo Pedulla.
