"Barselona" sport direktori Deku ispaniyalik murabbiy Xavining Kataloniya klubidagi faoliyati haqida fikr bildirdi. Xavi shu yilning may oyida ishdan bo‘shatilgan edi.
“Xavi jamoani yangilashimiz kerak bo‘lgan avlodlar almashinuvining qiyin davrida klub uchun juda muhim edi. Odamlar kutmaganda u La Ligani yutdi. Xavi hozirda klub uchun katta ahamiyatga ega bo‘lgan futbolchilar bilan debyut qildi. U o‘z ishini qildi va "Barselona"ning o‘sishiga yordam berdi", - deb Deku so‘zlarini keltirmoqda Sport.es
Ispaniya Primerasining to‘rt turidan so‘ng Kataloniya klubi 12 ochko jamg‘argan va ayni damda birinchi o‘rinda bormoqda.
