"Jirona" sport direktori Kike Karsel klub yozda Erik Garsiyani qayta sotib olmoqchi ekanligini tasdiqladi, ammo "Barselona" uni qo‘yib yuborishdan bosh tortdi.
Erik o‘tgan mavsumni "Jirona" safida o‘tkazdi va Michel jamoasida Chempionlar ligasiga yo‘llanmani qo‘lga kiritdi.
Biroq, "Jirona" uni doimiy ravishda qo‘lga kiritishga urinishlariga qaramay, u bu mavsumda "Barselona"ga qaytdi.
"Biz uning qaytib kelishini va bizga yordam berishini xohladik. Agar ubu yil jamoamizga qo‘shilsa, bu ajoyib shartnoma bo‘lardi.
Biz "Barsa" bilan gaplashdik va uni so‘radik. Men doim "Barsa" uning ketishini xohlamaydi deb o‘ylaganman. Men so‘radim, harakat qildim, lekin oxir-oqibat bunday bo‘lmadi", – dedi Karsel.
Erik bu mavsumda "Barsa" safida La Liganing uchta o‘yinida maydonga tushdi va mavsum davom etar ekan, klub uchun muhim rol o‘ynashga umid qiladi.
