"Жирона" спорт директори Кике Карсель клуб ёзда Эрик Гарсияни қайта сотиб олмоқчи эканлигини тасдиқлади, аммо "Барселона" уни қўйиб юборишдан бош тортди.
Эрик ўтган мавсумни "Жирона" сафида ўтказди ва Мичел жамоасида Чемпионлар лигасига йўлланмани қўлга киритди.
Бироқ, "Жирона" уни доимий равишда қўлга киритишга уринишларига қарамай, у бу мавсумда "Барселона"га қайтди.
"Биз унинг қайтиб келишини ва бизга ёрдам беришини хоҳладик. Агар убу йил жамоамизга қўшилса, бу ажойиб шартнома бўларди.
Биз "Барса" билан гаплашдик ва уни сўрадик. Мен доим "Барса" унинг кетишини хоҳламайди деб ўйлаганман. Мен сўрадим, ҳаракат қилдим, лекин охир-оқибат бундай бўлмади", – деди Карсель.
Эрик бу мавсумда "Барса" сафида Ла Лиганинг учта ўйинида майдонга тушди ва мавсум давом этар экан, клуб учун муҳим рол ўйнашга умид қилади.
