Kolumbiya terma jamoasi futbolchisi Xames Rodriges Lionel Messi haqidagi fikrlari bilan o‘rtoqlashdi.
"Final oldidan do‘stlarimga Messi endi terma jamoada sovrinlar haqida qayg‘urmasligini aytdim, chunki u allaqachon hamma narsani yutib bo‘lgan va shuning uchun u ko‘p kuch sarflamaydi.
Jarohatidan so‘ng yig‘layotganini ko‘rib, “Futbolda hamma narsaga erishgan futbolchi qanday qilib bunday munosabatda bo‘ladi?” deb o‘yladim. Men tushundimki, Messi uchun qanday sovrinlar borligi unchalik muhim emas. U jamoaga yordam berishni xohlaydi, o‘z mamlakati sharafi uchun o‘ynaydi. Men uni eng zo‘r deb o‘ylaymanmi? Ha, Messi futbolning eng zo‘ri, shubhasiz”, - dedi Xames Tyc Sport nashriga bergan intervyusida.
