Myunxenning “Bavariya” klubi vingeri Kingsli Koman qishki transfer oynasida jamoani tark etishi mumkin.
Myunxenliklar yozda fransiyalik futbolchi bilan xayrlashishga tayyor edi, biroq u Saudiya Arabistonidan kelgan taklifni rad etdi. Jurnalist Kristian Falkning so‘zlariga ko‘ra, "Bavariya" hali ham Komanni sotilish uchun nomzod deb biladi. Klub rahbariyati yanvar oyida 28 yoshli futbolchiga Angliya Premyer-ligasi vakillaridan takliflar tushishiga umid qilmoqda. Futbolchining o‘zi faqat Yevropaning top-klubiga o‘tishga tayyor.
Transfermarkt portali Kingsli Komanning narxini 50 million yevroga baholagan.
